Пәндік кітапханшы

Пәндік кітапханашы –барлық кітапханалық қызметтер бойынша, университетте маман дайындау үшін оқытылатын пәндердің ақпараттық қажеттіліктерін қанағаттандыруға бағытталған кітапханашы-маман.

Пәндік кітапханашы – кітапхана қорын сақтауға және дамытуға, сонымен қатар факультеттердің кафедраларымен тығыз байланыстарды орнатуға жауапты.

Мақсаттары:М.Әуезов атындағы ғылыми-зерттеу университетінің профессор-оқытушы құрамының білім беру және ғылыми қызметін ақпараттық қамтамасыз ету, олардың баспа қызметін арттыруға көмектесу, кітапхана ресурстары мен қызметтерін насихаттау.

Пәндік кітапханашылардың функционалдық міндеттері:

кафедра мәжілістеріне қатысу және барлық кітапханалық-ақпараттық қызметтер бойынша кітапхана мен факультеттер арасында тікелей және тиімді байланысты қамтамасыз ету;
өзінің пәндік саласы бойынша өзекті ақпаратты талдау және ұсыну;
факультеттердің сұраныстары бойынша ОӘӘ қамтамасыз ету үшін ақпараттар беру;
жаңа кітапханалық-ақпараттық қызметтер мен кітапхана қорына түскен ОӘӘ (оқулықтар, мерзімді басылымдар) туралы факультет кафедраларын хабардар ету;
жаңа оқулықтар және ғылыми әдебиеттер алуға кафедралардың өтінімдерін рәсімдеуге көмек көрсету және берілген өтінімдерді негізгі қор бойынша жүйелі түрде тексеру;
электронды каталогпен, кітапхана әзірлеген толықмәтінді мәліметтер базасымен, жазылымдық деректер базасымен және кітапханаға қолжетімді басқа да электрондық ресурстармен жұмыс істеу бойынша кеңестер беру және оқыту семинарларын, вебинарларды өткізу.