«Жаңа гуманитарлық білім. Қазақ тілінде 100 жаңа оқулық»

2018 жылы 19 қыркүйек күні филология факультеті мен педагогика және мәдениет факультетінің студенттері үшін Ақпараттық білім беру орталығының оқу залында «Жаңа гуманитарлық білім. Қазақ тілінде 100 жаңа оқулық» жобасы аясында жарық көрген алғашқы 17 кітабының тұсаукесері бойынша оқырмандар конференциясы өткізілді. Іс-шараның басты мақсаты студенттерге қазіргі қоғамдағы өмірдің күрделі құбылыстары мен процестерін, олардың мәні, мазмұны, даму динамикасын түсінуге көмектесу болып табылады. Осы ұсынылған әдебиеттерді саналы түрде өздерінің оқу және ғылыми қызметінде пайдалануды көздейді. Сондай-ақ, университеттің ғалымдары мен студенттері ұсынылған кітаптардың мазмұнына талдау жасап, аударылған оқулықтар туралы өз пікірлерін білдірді.Талқылау барысында жастардың «100 жаңа оқулық» жобасына назарын аудару, халық арасында мемлекеттік тілге аударылған оқулықтар мен оқу құралдарын насихаттау мәселелері көтерілді. Елбасы Нұрсұлтан Назарбаев «Жаңа гуманитарлық білім. 100 жаңа оқулық» жобасы маңызды міндеттерді шешуге - гуманитарлық білімнің жаңаруына бағытталғанын атап өтті. Алғаш рет әлемнің зияткерлік қоры біздің азаматтарымызға қазақ тілінде қол жетімді болды.

«Жаңа гуманитарлық білім. Қазақ тіліндегі 100 жаңа оқулық»

Ақпараттық білім беру орталығының «Елбасытану» ғылыми-әдістемелік  орталығында «Жаңа гуманитарлық білім. Қазақ тіліндегі 100 жаңа оқулық» жобасы аясындағы аударылған 18 оқулықты насихаттау бойынша дөңгелек үстел өтті.  Іс-шара «Рухани жаңғыру» облыстық  жобалық кеңсесі және Ақпараттық білім беру орталығы ұйымдастыруымен өткізілді. Жиынға Ректордың аппарат жетекшісі Д.С.Сабырханов, АББО директор орынбасары Н.В.Рыбалкина, АББО  бөлім меңгерушісі Г.К. Мыңбаева, АББО сектор меңгерушісі  Х.К.Шамбулова, «Философия және мәдениеттану» кафедрасынан ф.ғ.к., доцент Т.А.Сүлейменов, С.С.Қорғанова, «Жалпы тарих және мұражай ісі» кафедрасынан т.ғ.к. Н.Е.Тажмуханова, «Қазақ тілі және әдебиеті» кафедрасынан  ф.ғ.к.,  доцент А.Б.Қалшабек,  «Экономика» кафедрасынан э.ғ.к., доцент Д.А. Құттыбаева, «Психология және дефектология»  кафедрасынан п.ғ.к.,   доцент  А. Нурлыбекова және студенттер қатысты. Жиынның мақсаты «Қазақ тіліндегі 100 жаңа оқулық» жобасы бойынша философия, әлеуметтану, психология, экономика және басқа да пәндер бойынша әлемдік ойлардың алтын қорына енген еңбектерден аударылған 18 оқулықты насихаттау. Жиын барысында ғалымдар, оқытушылар аударылған оқулықтарға қатысты өз пікірлерін білдіріп, аталмыш еңбектерді дәріс беруде қолдану жайлы да кеңінен  айтылды.

«Тәуелсіздік дәуірі»

Ақпараттық білім беру орталығының «Елбасытану» ғылыми-әдістемелік  орталығында ҚР Президенті Н.Ә.Назарбаевтың «Тәуелсіздік дәуірі» атты кітабын насихаттау «Адами капиталдың жаңа сапасы» тақырыбында дөңгелек үстел өтті.  Жиынға АББО директор орынбасары Н.В.Рыбалкина, АББО сектор меңгерушісі  Х.К.Шамбулова, АББО кітапханашылары: А.И.Икласова, А.Жамантаева, «Қазақстан халқы Ассамблеясы» арнайы кафедрасының меңгерушісі А.Е.Есеналиев және кафедра мамандары: С.Б.Аблаев, Т.Л.Құрманбаева, Э.М.Турегелдиева, Н.Б.Баймаханов, Е.Ә.Әмірхан, «Халықаралық қатынастар және кеден ісі» кафедрасының оқытушысы Г.Батырбекқызы, «Философия және мәдениеттану» кафедрасының оқытушысы Т.А.Сулейменов, ТІ және ЖСД директоры  Е.Р. Байқонысов қатысты. Жиынның мақсаты Н.Ә.Назарбаевтың «Тәуелсіздік дәуірі» атты кітабын насихаттау және талқылау. «Тәуелсіздік дәуірі» кітабына слайд көрсетілді және кітап бойынша баяндамалар оқылып, пікірлер айтылды. Жиынның соңы Елбасының еңбектеріне арналған кітап көрмесіне шолу жасаумен аяқталды.

Президенттің бес әлеуметтік бастамасы және қоғамдық сананы модернизациялау

Ақпараттық білім беру орталығының «Елбасытану» ғылыми-әдістемелік  орталығында «Президенттің бес әлеуметтік бастамасы және қоғамдық сананы модернизациялау» атты онлайн-конференциясы өтті.  Жиынға АББО директор орынбасары Н.В.Рыбалкина, АББО сектор меңгерушісі  Х.К.Шамбулова, «Қазақстан халқы Ассамблеясы» арнайы кафедрасының меңгерушісі А.Е.Есеналиев және кафедра мамандары С.Б.Аблаев, Т.Л.Құрманбаева, К.Қ.Утеева, Э.М.Турегелдиева, Н.Б.Баймаханов, Е.Ә.Әмірхан қатысты. Жиынның мақсаты Президенттің бес әлеуметтік бастамасын түсіндіру және талқылау. Конференцияға қатысушылар Мемлекет басшысының бес жаңа әлеуметтік бастамасы әрбір қазақстандықтың әл-ауқатын одан әрі жақсартуға бағытталғанын және әрбір қазақстандық отбасы үшін маңызды екенін атап өтті.

Төртінші өнеркәсіптік революция жағдайындағы дамудың жаңа мүмкіндіктері

Ақпарат білім беру орталығының «Елбасытану» оқу залында  Елбасы  Н.Ә. Назарбаевтың «Төртінші өнеркәсіптік революция  жағдайындағы  дамудың  жаңа мүмкіндіктері» атты Қазақстан халқына Жолдауына қолдау көрсету мақсатында жиын өтті. Жиынға  АББО сектор меңгерушісі Б.А.Жұмабаева, АБО кітапханашысы А.И.Икласова,  «Басқару және бизнес» жоғарғы мектебінің студентері қатысты. Қытысушылар Елбасы қойған міндеттерді қолдап, оны орындау әр азаматтың патриоттық парызы, жауапкершілігі екенін атап өтті.