Биыл қазақ әдебиетінің үш алыбы – Сәкен Сейфуллин, Ілияс Жансүгіров, Бейімбет Майлиннің туғанына 130 жыл толды.
Биыл қазақ әдебиетінің үш алыбы – Сәкен Сейфуллин, Ілияс Жансүгіров, Бейімбет Майлиннің туғанына 130 жыл толды. М.Әуезов атындағы ОҚЗУ-де ұлы тұлғалардың мерейтойына арналған «Үш бәйтерек» атты әдеби-сазды кеш өтті. Оқу ордасының профессор-оқытушылар құрамы мен студент-жастар қатысқан кешті ұйымдастырған Ақпараттық білім беру орталығы келушілерге Алаш арыстарының құнды мұраларынан жинақталған кітап көрмесін ұсынды. Кеш «Мәдениет және өнер» факультетінің талантты студенттерінің «Үш бәйтерек» атты композициялық қойылымымен ашылды. Университеттің Басқарма Төрағасы-ректор м.у.а. Ғани Бесбаев қатысушыларды мерейтоймен құттықтап, қазақ әдебиеті мен руханиятына өлшеусіз үлес қосқан тұлғалардың өмір жолынан сыр шертіп, ұлы мұраларының ұрпаққа берер тағылымын атап өтті. Ф.ғ.к, доцент «Мұхтартану» ғылыми-зерттеу орталығының аға ғылыми қызметкері Ақжол Қалшабек, п.ғ.к., аға оқытушы Саттар Жанболатов, абайтанушы Әзімхан Исабек үш арыстың қасиеттері, ұлтты сақтап қалудағы тар жол тайғақтағы өмірлері мен тағылымды мұрасындағы тың деректерімен бөлісті.
– Үш арыстың мерейтойы республика көлемінде аталып өтіп жатыр. Біз де қазақ халқының үш бәйтерегі, адал перзенттер Сәкен Сейфуллин, Ілияс Жансүгіров, Бейімбет Майлиннің туғанына 130 жылдығын атап өтіп, осы арқылы олардың шығармаларын оқу, поэзиясына сусындату, насихаттау, жастарға біздің ата-бабамыздың қандай болғанын, кең байтақ өлкені қалай қорғағанын, бостандықты аңсап, тегіміздің мызғымас мықты екенін ұрпаққа ұғындыруды мақсат еттік, - деді Ақпараттық білім беру орталығының басшысы Индира Қобланқызы.
Жастар шоқтығы биік үш тұлғаның шығармаларын оқып, өлеңдерін шырқады. Кеш соңында ғылым мен жоғары білім саласына қызмет еткен бірқатар оқытушылар құрамы марапатталды.
Қазақстан - біртұтас жер, біртұтас халық, біртұтас болашақ!
2024 жылдың 30 сәуір күні М.О.Әуезов атындағы Оңтүстік Қазақстан университетінің «Сәулет, құрылыс және көлік» факультеті "Техникалық мамандықтар бойынша практикалық орыс тілі" кафедрасының ұйымдастыруымен АББО-ның оқу залында «Қазақстан - біртұтас жер, біртұтас халық, біртұтас болашақ!» тақырыбындағы 1 мамыр Қазақстан халқының бірлігі күніне орай іс-шара өтті.
1 МАМЫР – халқымыздың бірлігі күні! Берекені көздеген ел мерекелі тірлік жасаудан жалықпаған. «Береке бастауы бірлік, ел іші тату тірлік» қағидасын ұстанған ел үшін бұл мейрамның орны ерекше! Өзара түсіністік, ұстамдылық, әр түрлі ұлттар өкілдерінің рухани және мәдени құндылықтарына құрметпен қарау әдебі барлық этностарға ортақ жалпы халықтық идеялар мен қасиеттерді қалыптастыру мақсатында, ел ішіндегі түрлі ұлт пен дін өкілдерінің бір-біріне деген сый-құрметін арттырып, татулықты, бірлікті, ортақ құндылықтарды насихаттау!
Іс-шараға Тугелова Майра Тұрлыбайқызы "Тұлға дамыту және ҚХА " орталығының бас маманы, Сауырбаева Индира Кобланкызы АББО директоры, АББО қызметкерлері, "Техникалық мамандықтар бойынша практикалық орыс тілі" кафедрасы қатысты.
Іс-шарада қатысқан әр ұлт өкілдері өздерін таныстырып, ұлтық салт-дәстүрін, мәдениетін таныстырды. Би билеп, ән айтып, өлең оқыды.
Іс-шараға "Сәулет" мамандығының 1 курс студенттері қатысты.
РЕФЕРЕНТ КҮНІ
Университеттің оқу процесі мен ғылыми-ізденіс жұмыстарында кафедра мен кітапхана байланысы маңызды рөл атқарады. ЖОО кафедраларының референті профессор-оқытушылар құрамына баспа прайстарындағы жаңа басылып шыққан кітаптармен және университет кітапханасына жаңа түскен әдебиеттер туралы ақпарат беруші болғандықтан 13.11.2023ж. М.Әуезов атындағы ОҚУ Ақпараттық білім беру орталығы 2023-2024 оқу жылындағы кафедралар референттеріне арналған «Референт күні» семинарын ұйымдастырды.
Семинардың мақсаты білім беру бағдарламалары бойынша оқытылатын пәндерді кітаппен қамтамасыз ету және жаңа БББ пәндерін оқулықтармен қамтамасыз ету үшін әдебиеттерге өтінімдерді беру, оны рәсімдеу, сонымен бірге электрондық баспалар қорын пайдалану және АББО ресурстарының маңыздылығын жеткізу.
АББО директоры И.Саурбаева референттермен өз ойларымен бөлісіп, құттықтады. Сектор меңгерушілері Г.Болетова, К.Усенкулова өз жұмыстары туралы мәлімет берді. Жаңа технология және электрондық ресурстар бөлімінің қызметкері И. Спатаев кітапхана сайтын http://www.lib.ukgu.kz/ пайдалануды, отандық және шетелдік базалардан ақпараттар мен мәліметтер алу жолдарын түсіндіріп өтті. Кітапханаға қарыз оқырмандар туралы оқырмандарға қызмет көрсету бөлімінің меңгерушісі А.Каунбаева ақпарат бере отырып кітап оқуға шақырды.
Кафедра референті кітапханамен байланысты жауапты тұлға болғандықтан АББО мен референттер чаты үздіксіз қызмет жасайды.
IPR SMART цифрлық білім беру ресурсы – кітапханалар жүйесі
18.04.2023 жылы М.Әуезов атындағы Оңтүстік Қазақстан университетінің Ақпараттық білім беру орталығы мен «EDP Hub» (Идипи Хаб) ЖШС-нің ұйымдастыруымен IPR SMART цифрлық кітапханасының өнімдерін ұсыну мақсатында «Ай Пи Ар Медиа» компаниясының коммерциялық директор - Иванов Сергей мен Даму бөлімінің директоры - Кутуева Вита Шымкент қаласының ЖОО кітапхана басшыларымен кездесті.
Кездесу барысында DATALIB цифрлық білім беру ресурсы, PROF білім беру электрондық ресурстары, баспа қызметі саласындағы ынтымақтастық, университет авторларының кітаптарын бірлесіп басып шығару, оқытушылардың еңбектерін компанияның цифрлық өнімдеріне енгізу туралы ұсыныстар айтылды.
Ақпараттық білім беру орталығында «Ғылым күні» атты семинар өтті.
2023 жылдың 19 сәуір күні М.Әуезов атындағы Ақпараттық білім беру орталығында «Ғылым күні» атты семинар өтті.
Іс-шараның модераторы болып,семинарды АББО директоры Сауырбаева И.К. ашты. Кітапхана қызметкерлері Ақпараттық білім беру орталығында университеттің магистранттары мен докторанттарына ғылыми жұмысқа көмектесу үшін көрсетілетін қызметтер туралы түсіндіріп өтті.
Докторант Қуандықова А.Е., «Мұхтартану» ғылыми-зерттеу орталығының магистрі және бас маманы Әзімхан Исабек Үсенұлы баяндама жасады
