Бір ел - бір кітап

Ақпарттық білім беру орталығының  №5 оқу залында (8 ғимарат) «Бір ел - бір кітап» акция шеңберінде таңдалған қазақтың көрнекті ақыны, жазушысы Сұлтанмахмұт Торайғыровтың «Қамарсұлу» романын талқылауға «Қазақ тілі мен әдебиеті», «Театралдық және эстрадалық шығармашылық» кафедрасының студенттері мен оқытушылары қатысты. АББО бөлім меңгерушісі іс-шараны ашып берді. С.Торайғыровтың өмірбаяны мен шығармашылығы туралы презентацияны АБО сектор меңгерушісі Х.Қ. Шамбулова таныстырды. «Қазақ тілі және әдебиеті» кафедрасының меңгерушісі Омаров Нұрлыбек жазушының шығармаларына баяндама жасады. Мәлік Нұрболат, Арыстанова Жансая болды. Исабек Әзімхан, Байырқұл Балжан, Сүйінбек Ақерке, Фараби Бақытжанұлы, Сүюнов Қазыбек «Қамарсұлу» романындағы көтеріп отырған мәселеге тоқталып, өз пікірлерімен бөлісті. «Театралдық және эстрадалық шығармашылық» кафедрасының оқытушысы Нұрсұлтанов Бекзат дайындаған көрініске Сүюнов Қазыбек, Асанбек Сұлтан, Орынхан Ербол, Толыс Сымбат «Қамарсұлу» романындағы кейіпкерлердің рөлдерін сомдады. Ақынның шығармалары ұсынылған «кітап көрмесі оқырмандарға ұсынылды. Акция соңында белсенді қатысқан студенттер марапатталынды.  

«Мұхтар Әуезов - қазақтың ұлы жазушысы»

Ақпараттық білім беру орталығының №5 оқу залында  М.Әуезовтың 120 жылдық мерейтойына арналған «Мұхтар Әуезов - қазақтың ұлы жазушысы» атты оқырмандар конференциясы өткізілді. Іс-шараға АББО бөлім меңгерушісі Ж. Ережепова, АББО сектор меңгерушісі Р.Тасболатова, АББО Н.Сәулешова, Қ.Усенкулова, К.Еркеқараева, Ж.Якипова, ф.ғ.к.доцент Қ.Тұрдыбай, «Қазақ тілі мен әдебиеті» және «Мәдени тынығу және әлеуметтік жұмысы» кафедраларының  оқытушылары мен студенттері қатысты. М.Әуезовтың өмірі мен шығармашылығы туралы слайд көрсетілді. Исабек Әзімхан, Бағзатхан Еңлікхан, Әбіл Фарида, Мәлік Нұрболат, Захидова Лабор жазушының шығармаларына талдау жасады. Сейітов Сүндет, Сүйінов Қазыбек ұлы жазушыға арналған өлеңдерін тарту етті. Белсенді қатысқан студенттер марапатталынды. Конференция аясында М.Әуезовтың шығармалары қойылған «Ұлттық ұлағатты ұстанушы» атты кітап көрмесі оқырмандарға ұсынылды.

"Нұр себеле–нұр наурыз"

Ақпараттық білім беру орталығының бас оқу залында  Наурыз мейрамына  арналған  «Нұр себеле – нұр наурыз» атты әдеби-сазды кеші өткізілді. Мерекелік кешке АББО бөлім меңгерушілері Г.Мынбаева, А.Кулданбаева, Ж. Ережепова, АББО сектор меңгерушілері  Б.Жумабаева, Х.Шамбулова,  АББО кітапханашылары А.Икласова, А.Арыстанова,  Э.Кулумбетова және  университеттің студенттері мен оқытушылары қатысты. Әдеби кеште наурызға байланысты  бейнеролик көрсетіліп, қазақтың дәстүрінен қыз ұзату  көрінісі көрсетілді. Кеште студенттер наурыз туралы өлеңдер оқыды және күй тартылып, би биленіп,  әндер шырқалды. Белсенді қатысқан студенттер марапатталынды.

«Қазақстанның үшінші жаңғыруы: жаһандық бәсекеге қабілеттілік»

Ақпараттық білім беру орталығының №5 оқу залында  Елбасы  Н.Ә. Назарбаевтың Қазақстан халқына жолдаған «Қазақстанның үшінші жаңғыруы: жаһандық бәсекеге қабілеттілік» атты Жолдауына қолдау көрсету мақсатында жиын өтті. Жиынға «Жалпы тарих және мұражай ісі» кафедрасының меңгерушісі Г.Отарбаева, оқытушылары К. Рахымжан, Г.Аманбек, Г.Нарымбет, «Қазақстан тарихы» кафедрасының оқытушысы Г.Тілеуқулов, АБО бөлім меңгерушісі  Ж.Ережепова, кітапханашысы Н.Саулешова, ПИК-16-3к, ПИК-16-3р, ПИК-16-5к, ФИ 16-1к тобының студеттері қатысты. Қатысушылар Елбасы қойған міндеттерді қолдап, оны орындау әр азаматтың патриоттық парызы, жауапкершілігі екенін атап өтті. 

"Мақтанышым, Қасіретім –Желтоқсан"

Қазақстан Республикасы Тәуелсіздігінің 25 жылдығына орай «Мақтанышым, Қасіретім –Желтоқсан» атты әдеби-кеші №4 оқу залында (7 корпус) Ақпараттық білім беру орталығы мен «Дене тәрбиесі және спорт» факультетінің  аға тәлімгері Г.Малғайдарованың  ұйымдастырумен өтті.  Іс-шараға «Дене тәрбиесі және спорт» факультетінің  деканы  Жолдасбеков Ә., факультет аға тәлімгері Малғайдарова Г.,  АБО бөлім меңгерушісі Ережепова Ж., кітапханашылар Бөлет Г., Қауынбаева Ә. және студенттер қатысты.Іс-шараның мақсаты: студенттерді тәуелсіздік ұғымдарының тарихи маңызын түсіне білуге, туған халқының тарихын құрметтеуге,  отансүйгіштікке баули отырып, патриоттық рухта тәрбиелеу мақсатында өткізілді. Фк-13-3к1, Фк 13-3к2 тобының студенттері дайындаған концерттік бағдарламаны  қатысушыларға тарту етті. АБО сектор меңгерушісі Х. Шамбулова белсенді қатысқан студенттерді мақтау қағаздарымен марапаттады. Кеш соңында  «Желтоқсан — тәуелсіздік бастауы» атты кітап көрмесіне библиографиялық шолу жасады.