«Оңтүстіктің мәдени мұралары »

      30  сәуір күні Ақпараттық білім беру орталығының №5 оқу залында  Ескерткіштер мен тарихи орындарды қорғаудың халықаралық күніне орай «Оңтүстіктің мәдени мұралары» атты дөңгелек үстел болып өтті. Ақпараттық білім беру орталығы, «Мәдениеттану, әлеуметтік жұмыс және музей ісі», «Жалпы тарих, археология және география» кафедраларымен бірлесе ұйымдастырған отырысына оқу орнының мамандары, магистранттар мен студенттер қатысты.    
     Жиынды  «Мәдениеттану, әлеуметтік жұмыс және музей ісі» кафедрасының оқытушысы А.Қабыл ашып, «Жалпы тарих, археология және география» кафедарасының оқытушысы Тажмуханова Нагима Ералиева  кіріспе сөз алды. Өз сөзінде,  облыс аумағында ашылмаған, әлі де белгісіз болып жер қойнауында жатқан мәдени мұра нысандарын Қазақстанның маңызы зор құнды тарихи ескерткіштері қатарына қосу, қорғау және ғылыми айналымға түсіріп, кейінгі ұрпаққа қалдыру қажеттігі өткір мәселесіне баса назар аударды.  Дөңгелек үстел барысында ПИК 12-3к тобының студенттері  Фараби Отар, Шарип Нұрғали, Бекботаев Азамат пікір айтты. Жиында  мұраларымыздың қазіргі жай-күйін талқылап, жастарымызға өнегелі істерді насихаттаған игілікті шаралардың бірі болды. Қонақтар мен келушілерге мұралық құндылықтарымыздың зерттелуі жөніндегі «Мәдени мұра-елге мирас» атты кітаптар көрмесі ұсынылды.

ҚР Халық әртісі Бибігүл Төлегенованың 85 жылдық мерейтойына арналған «Қазақтың бұлбұлы» атты музыкалық кеші

      2014 жылдың  15 сәуірде  Ақпараттық білім беру орталығының №5  оқу залында ҚР  халық әртісі, Социалистік Еңбек Ері,  қазақтың күміс көмей, жез таңдай әншісі Бибігүл Төлегенованың 85 жылдық мерейтойына арналған «Қазақтың бұлбұлы»  атты музыкалық кеші  «Музыкалық өнер» кафедрасының аға оқытушысы Ф.С.Танкешованың ұйымдастыруымен өткізілді. Музыкалық кешке «Педагогика және мәдениет» факультетінің оқытушылары мен студенттері  қатысты. Кеш барысында әлемдік классикалық опера мен халық әндерінен: Е. Вернацкийдің «Маленький креольчик» романсы, Ф. Генделдің «Оттон» оперсынан үзінді,  Ш.Қалдаяқовтың «Қуаныш вальсі», «Гүлдерайым» және «Алқоңыр» халық әндерін, концертмейстер З.Надированың сүйемелдеуімен Ә.Исабаева, А.Смайл, Б.Құлмаханованың  орындауында шырқалды. Әншінің өмірі мен шығармашылығы туралы слайд көрсетілді. «Музыкалық өнер» кафедрасының аға оқытушысы Ф.С.Танкешова кешті қортындылап, ұйымдастырушыларға алғыстарын білдірді.  АБО сектор меңгерушісі Х.Қ. Шамбулова   белсенді студенттерді мақтау қағаздарымен марапаттады.

«Махаббат мен сені аялап өтемін» атты әдеби-сазды кеші

      2014 жылдың  10 сәуір күні  Ақпараттық білім беру орталығының  Бас оқу залында  15 сәуір - Қозы Көрпеш-Баян Сұлу күніне орай «Махаббат мен сені аялап өтемін»  атты әдеби-сазды кеші «Экономика және қаржы» факультеті мен «Жас Ақындар» клубының ұйымдастыруымен өткізілді. Кештің басты мақсаты – жастардың бойында шы­найы, таза махаббаттың қалыптасуына ықпал етіп, жастар  арасында қазақтың ғашықтық эпостарын, салт-дәстүрін  өнерін кеңінен насихаттау. Мерекелік кешті «Экономика және қаржы»  факультетінің деканы М.Сейдахметов, декан орынбасары Ж. Изтаев құттықтау сөзімен ашып берді. Мерекелік кеште Жұмабай Гүлшірін, Сахан Алдияр, Есжан Талған, Алишер Әлімжан махаббат туралы шығарған жырларын оқыса, Сағыныш Ибрагим, Смайлова Айгерім әннен шашу шашты. Ал Иманәлі Шамғон, Аштан Мадина, Әлсейіт Оңласын, Джамалов Асылбек, Сауыт Құралай, Әкім Жолдастар кештің қызықты өтуіне атсалысты. «Жастар орталығының» бас маманы Абылай Әбдікәрім  қорытындылап ұйымдастырушыларға алғысын білдірді.

АБО сектор меңгерушіслері Х.Шамбулова, Б.Жұмабаева студенттерді алғыс хаттармен және сыйлықтармен марапаттады.

«Салауатты ұрпақ – ұлт байлығы» атты дөңгелек үстелі

      2014 жылдың 3 сәуірде Ақпараттық білім беру орталығының №9 оқу залында «Экология.Адам.Қоғам.» атты дөңгелек үстелі  Агроөнеркәсіп факультетінің  оқытушылары мен студенттерінің қатысуымен өтті. Дөңгелек үстел басында  АП факультетінің декан орынбасары И. Тұтқышбай, «Агротехнология» кафедрасының аға оқытушысы А.Қашқаров, «Су ресурстары және суды қолдану» кафедрасының аға оқытушысы Нұржан Ермахандар  қоршаған ортаның мәселелеріне тоқталды. АП-12-4к1 тобының студенттері: Қырбасова Шолпан, Әбенова Әйгерім, Кенжебаева Азиза, Анарметова Ирода  көтеріліп отыр­­ған тақырып төңірегінде баяндама­лар жасады. АБО сектор меңгерушісі Х.Шамбулова экологиялық үгіт-насихат жүргізе отырып, жастарды  қоршаған ортаны қорғауға шақырды.

«Салауатты ұрпақ – ұлт байлығы» атты дөңгелек үстелі

        2014 жылдың 28 наурызында М.Әуезов атындағы ОҚМУ-дың Ақпараттық білім беру орталығының №4 оқу залында  7 сәуір - Дүниежүзілік денсаулық күніне орай «Салауатты ұрпақ – ұлт байлығы» атты дөңгелек үстелі  «Дене тәрбиесі және спорт» факультетінің оқытушылары мен студенттерінің қатысуымен өтті.
      Жиынды АБО бөлім меңгерушісі Ж.Ережепова ашып берді. «Дене тәрбиесі және спорт» факультетінің аға тәлімгері Зауытбеков Қалаубек алғы сөз алып, өз сөзінде, Қазақстанның әрбір азаматы өз денсаулығына деген жеке жауапкершілігін арттырып, салауаттылыққа бір жолата бет бұру керектігін атап көрсетті. ФК-13-6к2 тобының студенттері Жарылқасымова Гулмира, Жұмабайқызы Гүлнұр, ФК-13- 4к3 тобының студенті Шамихан Мерей өз ойларын ортаға салып, болашақ ұрпақтың сақталуына келеңсіз жағдайлардан әр уақытта аулақ болу керектігін атап көрсетті. АБО сектор меңгерушісі Шамбулова Халида қортынды сөзінде, осындай іс-шараларды студенттер арасында жиі ұйымдастырып, жастарды салауатты өмірге  бағыттап, спортпен шұғылдануға үгіттей отырып, өмірде өз орнын адаспай табу керектігін айтып өттіп, қатысушыларға алғысын білдірді.  №4 оқу залының кітапханашысы Бөлет Гүлзада «Салауатты ұрпақ - ұлт байлығы» атты кітап көрмесін ұйымдастырып, шолу жасады. Студенттер  кітап көрмесімен танысып, толық мағлұматтар  алып жатты.