Абай Құнанбайұлының туылғанына 175 жыл

2020 жылдың 04 ақпан күні  Ақпараттық білім беру орталығының №9 оқу залында АББО кітапханашысы С.Бименованың  ұйымдастыруымен «Ауылшаруашылық ғылымдары жоғары мектебі» студенттерімен  Абай Құнанбайұлының туылғанына 175 жыл толуына орай «Абай –ұлттық ұлы тұлға» деген тақырыппен кеш өткізілді.

«Ветеринарлық клиникалық диагностика» кафедрасының аға оқытушылары С.Нуралиев, А. Қамбаров, іс-шараға қатысқан  АП-19-8к4, АП-18-8к1, Ап-18-8к2 тобының студенттеріне, Абайдың мұрасы әрбір жастың бойында елі мен жеріне деген патриоттық сезімін орнықтырады,- деп атап өтті. Абайдың өлеңдері мен қара сөздерін оқып білуге шақырды. 

Журналды қалай шығаруға болады? тақырыбында практикалық семинар өтті

30 қаңтарда 2020 жылы Ақпарттық білім беру орталығының Әлем тілдер оқу залында Мәскеу қ. «Гребенников» баспа үйінің өнімдерімен танысу мақсатында «Гребенников» баспа үйінің бас директоры А.В.Халюковтың қатысуымен «Журналды қалай шығаруға болады?» тақырыбында  практикалық семинар өтті  Семинарға «Басқару және бизнес» жоғары мектебі, «Заңтану және халықаралық қатынастар» факультетінің оқытушылары, Ғылыми-зерттеу басқармасының қызметкерлері, АББО-ның және ЖОО-ның кітапханашылары қатысты. Журналға оқытушылар тегін мақала жариялауына болады.

Ғылыми жарияланымдардың деректер базасымен жұмыс

2019 жылы 20 желтоқсанда ЖОО кітапханаларында кітапханалық-ақпараттық қызмет көрсетуді оңтайландыру және өзара тәжірибе алмасу мақсатында М.Әуезов атындағы ОҚМУ, М.Сапарбаев атындағы  ОҚГИ, А.Куатбеков атындағы Халықтар достығы университеті, «Silkway» Халықаралық университеті, ХГТУ және ОҚМА кітапханалары қызметкерлерінің қатысуымен «Ғылыми жарияланымдардың деректер базасымен жұмыс» атты семинар-тренинг ұйымдастырылды.  

Семинар-тренинге қатысушыларға сертификат тапсырылды.

Тәуелсіздік белесі – Ұлы арман кемесі

2019 жылдың 9-10 желтоқсанында университеттің №2 және №3 жатақханаларында (№11, №14 оқу залдары) Қазақстан Республикасының Тәуелсіздік күніне орай , жастарды отансүйгіштікке тәрбиелеу мақсатында, «Ауылшаруашылық ғылымдары»  және «Тоқыма және тамақ инженериясы»  жоғары мектептерінің студенттері мен оқытушыларының қатысуымен  «Тәуелсіздік белесі – Ұлы арман кемесі» және «Желтоқсан – Тәуелсіздіктің ұлы рухы» атты әдеби сазды кештер ұйымдастырылды.

Референт күні

2019 жылдың 7 қарашасында Ақпараттық білім беру орталығы қызметкерлерінің, университеттегі кафедралардың референттерімен, кезекті кездесуі өтті. Семинарды ОҚМУ-нің оқу және оқу-әдістемелік жұмысы жөніндегі проректор К.С. Байболов ашып берді. Сонымен бірге, университеттегі оқу және ғылыми үрдіс барысында кафедра референтінің атқаратын рөлі маңызды екендігін, - атап көрсетті. Семинар барысында ақпараттық ресурстарға жылдам қол жеткізу үшін кафедралар мен кітапханалардың электрондық байланысы, жаңа әдебиеттерге өтінімдерді тіркеу, пәндерді кітаппен қамтамасыз ету көрсеткіштері, кафедралар бойынша кітапханаға қарызгер оқырмандарды талдау және т.б. мәселелер қаралды. АББО директоры Н.В.Рыбалкина кітапханадағы жаңа қызметтер мен оқытушыларға импакт-факторы бар журналдарда мақалаларды жариялауға көмектесу жолдары туралы айтты. Білім беру бағдарламаларын әдістемелік қамтамасыз ету орталығының директоры Ш.Б.Тасыбаева референттерді «100 жаңа кітап» жобасы аясында алынған оқулықтардың білім беру бағдарламасы бойынша оқу жоспарына енгізілуімен таныстырды.